Pawīda
Wurmiwīnzus kērka (Gavia stellata) - pippelin gaddingi iz sēimin be rīndan stēisan kērkan. Līgzdina na Pussideiniskas Amērikas be Eurāzijas zēimiskans krāntans, zēimaui na jūres krāntans spārtais na pussideinans. En Prūsai ebtiktan prei prōskraisenins en pūlu-saķķu be sillinu-sallawu na jūres krāntan. Ligzdaui prei nidebīkans, saldans, stalāntins, sirzdalandas undans.
Pērgimis glāubai
En zēimas ebplāugzdinsnai kērmenes wīrsus ast sīwakukan be stegtan sen gaīlins milinīkans, wīders ast gaīlin. En pūrausnas kērdas ebplāugzdinsnai galwā be winzus ast sīwan, adder gurklē ast rūdingi. Ast ukamazzaisi iz wissans kērkans. En zēimas ebplāugzdinsnai ast lāukaisin nikāi kirsnawīnzus kērka.
Pūrausnas kerdā
Ligzdan ast na zemmin. En zallawu-sīmeņū gennika lazinna 1-2 pāutans. Maldēi izgūbi pa 28-36 dēinans be pa 10-12 stūndins ēit sen wūraisins plūtwei en undan. Ainuntkaddan ast weztan na wūraisin rīkisnan.
Sirzdas ermattausnas
- kērmenes ilgan zūrgi 60 cm
- iztēnstisku stēisan skreīlin 105 cm
- gnettan zūrgi 1 - 1,4 kg